REUNION DI MINISTER HATO KU MINISTER DI HUSTISIA DI HULANDA SRA. YESILGÖZ-ZEGERIUS

Minister Shalten Hato

REUNION DI MINISTER HATO KU MINISTER DI HUSTISIA DI HULANDA SRA. YESILGÖZ-ZEGERIUS
Awe mainta Minister Hato i miembronan di tim di maneho di Ministerio di Hustisia a reuní ku Minister di Hustisia di Hulanda, sra. Yeşilgöz-Zegerius i su delegashon. Esaki tabata e promé bishita di Minister Yeşilgöz-Zegerius na Kòrsou. Awe mes sra. Yeşilgöz-Zegerius lo biaha pa Aruba pa asina asistí na e Justitieel Vierpartijen Overleg.
Den e reunion awe Minister Hato a yama danki pa e bon koperashon ku Ministerio di Hustisia di Hulanda riba diferente area. Mas aleu a toka varios tema den e reunion manera entre otro e koperashon estrecho ku Sekretario di Estado sr. Van Den Burg, koperashon ku Hulanda pa loke ta trata e diferente uitvoeringsorganisaties di Ministerio di Hustisia di Kòrsou i e sentro nobo di detenshon pa indokumentado VODC.
Banda di esaki a papia tokante e biahe pa Washington di Minister Hato unda a traha palabrashonnan konkreto ku Departamento di Hustisia Merikano (DOJ) tokante plakanan destiná pa Crimefonds, kaso den korte ku Minister Hato a gana kontra algun indokumentado, posibilidat pa Hulanda yuda Kòrsou ku algun ‘’wetgevingsjuristen’’ pa adaptá leinan eksistente i tambe kon Hulanda por asistí Kòrsou den kombatí krímen sibernétiko (cyber crime).
E reunion tabata unu ameno kaminda ambos partido a ekspresá interes pa sigui kolaborá di forma mas intensivo. Den e JVO ku ta kuminsá dia 17 di yanuari 2023 lo sigui amplia riba e temanan ya menshoná.
Share this page to Telegram

This site uses Akismet to reduce spam. Learn how your comment data is processed.

%d bloggers like this: