Steven Croes lo no partisipá den Festival di Tumba 2023

Ku hopi entusiasmo mi a inskribí mi mes pa partisipá na Festival di Tumba 2023, pero despues di  deliberashon mi a tuma e desishon pa posponé esaki pa otro aña ku Dios ke. Rason ta paso e tempu pa ensayo ta muchu kòrtiku for di dia ku mi a wòrdu puntra pa partisipá. Karnaval sigur ta un temporada ku mi ta disfrutá hopi di dje i e festival di tumba ta un di e komponente mas importante pa ku e fiesta grandioso aki. Pa mi a partisipá lo mi ke ta hopi bon prepará i asina tambe mustra e rèspèt i duna e honor ku tal evento meresé.

Festival di tumba ta un kos serio ku meresé su rèspèt.

Ku poder di Dios otro aña si mi lo pone mi agènda di tal forma ku mi por prepará mi mes hopi bon i for di trempan pa asina por partisipá i bai pa gana!

Mi ta deseá tur partisipante hopi éksito i no por warda pa nos tur gosa di un tremendo Festival di Tumba 2023!