Su lucha den union cu e pueblo y cu hopi positivismo pa logra cosnan grandi, ๐ ๐๐ข๐ก๐๐๐ฅ๐ง๐ ๐๐๐ง๐๐๐ข ๐๐๐ก ๐๐ ๐๐๐ข ๐๐ ๐ฃ๐จ๐๐๐๐ข, ๐จ๐ก ๐ง๐๐ง๐ ๐๐ ๐ฃ๐จ๐๐๐๐ข ๐๐ฅ๐จ๐๐
โMi no ta un tata di un famia, cu ta consisti di homber y muhe y yiunan. Mi ta un tata particular, tata di un famia grandi, tata di un pueblo, nos pueblo di Aruba.โ
Betico Croes tawata tin un amor incondicional pa e pueblo di Aruba. E tawata amigo di pueblo, hende di tur hende. E tawatin semper atencion pa tur hende, mescos cu ta su mesun yiu. Su lucha pa logra libertad di nos pueblo tawata incansabel. Y ta su noblesa pa realisa e libertad aki, awe ta haci cu Aruba ta stima Betico Croes. Betico mes a bisa den un di su discursonan cu ta wordo considera un di su discursonan di despedida den Seri Noka, โMi no ta un tata di un famia di mama, tata y 4 yiu. Mi ta un tata particular, di henter Arubaโ. Y esey e yiunan di Aruba cu a conoce Betico, tambe a sinti.
Como politico Betico Croes a demostra con ta lidera cu curason, poniendo e pueblo, e ser humano na prome luga. Con ta lidera cu respet pa otro, dunando respet y exigiendo respet.
El a mustra nos cu mester duna espacio na hende muhe den politica, pasobra mas participacion di hende muhe den politica y den puestonan importante den gobiernonan ta trece un miho balance den toma di decisionnan cu ta concerni nos tur, homber y muhe.
El a mustra nos con pa bo logra bo meta, bo mester tin biaha dal algun paso chikito atras, pa despues bo sali cu pasonan grandi padilanti. El a siรฑa nos e importancia y e balor di stima nos pais, y nos simbolonan di libertad, nos himno y nos bandera. Betico a mustra nos e importancia di union, pasobra un pueblo uni hamas lo ser venci. Union entre famianan, union entre ideologianan politico, union entre esnan cu a nace aki, y esnan cu no a nace aki.
Betico su palabranan tabata Arubiano no ta esnan cu a nace aki so, sino tambe esnan cu a haci di Aruba nan pais. Awor ta na cada un di nos pa sigui cu e balornan cu Betico Croes a mustra nos, y cu a conduci na logronan grandi pa nos pais. Aruba ta un famia. Y cu positivismo, hunto nos ta bira mas fuerte como un famia uni y logra cosnan mas grandi pa Aruba. Danki Betico, pa Stima nos pais.
Den nomber di Gobierno di Aruba, Prome Minister Evelyn Wever-Croes, ta invita tur ciudadano pa celebra Dia di Betico diaranson awo 25 di januari.
