Gobièrnu di Boneiru: Bon Biní beibi Q’Jaïr J.X. Reenis-De Paula! E promé beibi di 2026 na Boneiru a nase 2 di yanüari.

Na nòmber di Gobièrnu di Boneiru, diputado Peter Silberie a bishitá e promé beibi di aña di Boneiru i a regal’é diferente produkto pa yuchi i un maleta di BoekStart. E maleta ta simbolisá Boneiru su deseo: un bida yen di kresementu, deskubrimentu, i oportunidat maravioso pa beibi Q’Jaïr.

Pabien na e mayornan orguyoso i na sobrá di famia ku nasementu di e beibi.