Trùknan di Selikor den bachi 25

Trùknan di Selikor den bachi 25

 

Djabièrne 20 di dezèmber 2019 Selikor ta kumpli 24 aña komo kompania anónimo di gobièrnu i ta inisiá e trayekto rumbo pa e selebrashon 25. Den e kuadro di e aniversario di plata akí ku ta na kaminda Selikor a ‘bisti’ algun trùk ku ta rekohé shushi un diseño úniko pa karga e mensahe: “Komprometé ku Kòrsou i su medioambiente”.

 

For di djarason 18 di dezèmber habitantenan di algun bario i empresanan ku tin un akuerdo será ku Selikor por a tuma nota di e 2 promé trúknan ku ta kubrí ku un diseño tresdimensional ilustrando diferente aspekto di nos medioambiente. Ta e intenshon pa kubri un totalidat di 6 trúk ku lo sirbi pa hiba e lema di e selebrashon 25 pa komunidat kompleto.

 

Ku e pensamentu ku organisá un selebrashon ta e parti mas dushi di e selebrashon mes, Selikor a skohe pa start e selebrashon 25 eksaktamente un aña promé ku kumpli e bunita aniversario akí. Ta nifiká ku djabièrnè 20 di dezèmber ta ranka sali ku diferente akshon, aktividat i proyekto den e kuadro akí.

 

Banda di e bachi úniko ko ta bai duna algun trùk, tambe lo bai lansa un jingle speshal pa e okashon di 25 aña. Mas aleu a kuminsá kaba ku preparashonnan pa algun proyekto den kuadro di karnaval 50. Keda pendiente ya ku Selikor lo bai informá i involukrá komunidat kompletu den e selebrashon di 25 aña ya ku ta ku e aporte, konfiansa, krítikanan konstruktivo, pasenshi di komunidat nos ta bai realisá e logro 25.

 

This site uses Akismet to reduce spam. Learn how your comment data is processed.

%d bloggers like this: