Informashon di konferensia di prensa.

KOMUNIKADO DI PRENSA 526 / 2019
19 desèmber 2019

Informashon di konferensia di prensa.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 19 di desèmber 2019, Kuerpo Polisial a tene un konferensia di prensa na warda di
polis na Winston Churchillweg i a elaborá riba desaroyonan for di 24 di òktober, despues di
e último konferensia di prensa te ku awor.

TRÁFIKO

Pa loke ta tráfiko, den e kasi 3 lunanan último, Departamento di Tráfiko a atendé 29 kaso di
“hit and run” i 3 kaso di manehá vehíkulo bou di influensia di alkohòl.
E fenómeno di “hit and run” a bin ta oumentá i mayoria di e shofùrnan ku ta okashoná e
aksidentenan aki, e dokumentonan di nan vehíkulo no ta na òrdu.
Ta bon pa enfatisá ku na e violashon di tráfiko aki, tin un kastigu di 2 luna òf un but di
maksimal fls. 5000,- mara.

VIOLENSIA RELASHONAL

Un kantidat di 24 detenshon a keda realisá pa ku kasonan di violensia relashonal. Ta trata
aki no solamente di kasonan entre pareha, pero tambe p.e. entre mayor i yu ets.

ARMA DI KANDELA

Durante henter aña 2019 te ku medio desèmber, a konfiská 101 arma di kandela, di kua 3
tabata sea di ko’i hunga, di gas òf di alarma, miéntras e 98 otro armanan tabata armanan di
kandela adekuá pa fungi komo tal.

ASESINATO

Polis a solushoná den e aña ku ta terminando aki, 53% di kasonan di asesinato. Esaki ta
sigur 20% mas tantu di e promedio kasonan ku a bin ta solushoná último añanan.

ATRAKO

For di òktober te ku 17 di desèmber 2019, a hasi detenshon di 52 sospechoso pa atrako, di
kua 46 ta hende hòmber i 6 hende muhé.

PREVENSHON

E sekshon di prevenshon di Departamento di Prevenshon den e aña aki a hasi hopi trabou
den diferente bario aki na Kòrsou:

 Dunando informashon;
 Yudando ku whatsapp alert;
 Training di atrako;
 Presentashon tokante di kriminalidat hubenil;
 Ehekushon di plan di seguridat den i rondó di skolnan.