Karta FC pa BC, topiko Asoteko

Na Kolegio Ehekutivo Entidat Públiko Bonaire

Parke Wilhelmina #1

Kralendijk

Bonaire C.N

 

 

 

Apresiabel Kolegio,

 

 

Ya pa basta tempu mi a bin ta sigui informashonnan den medio di prensa vosiferá pa e konsehero hurídiko di e organisashon Asoteko relashoná ku dunamentu di tereno na èrfpagt. Hasta e situashon aki a eskalá di tal forma ku Asoteko a kuminsá un kaso sivil den korte.

 

Tambe mi por a tuma nota ku aparentemente partidonan lo a preferá pa yega na un areglo pafó di korte i ku den esaki lo taba­tin kòmbersashonnan hibá ku mui en partikular e diputado en­kar­gá ku direktorado di R & O, direktorado ku ta enkargá ku asun­tunan di tereno. Entre tantu Konseho Insular a stipulá un nota pa un kuadro di maneho pa loke ta trata terenonan na Boneiru.

 

Sinembargo e último informashon ku a sali di e kaso aki ta ku Kolegio Ehekutivo lo no ke firma un proposishon di un areglo pa solushoná e problema aki.

 

Hasiendo uzo di artíkulo 45 di nos Reglamentu di Órden, suskrito ta a hasi e siguiente preguntanan na Kolegio Ehekutivo ku e petishon pa kontestá esakinan verbal den e próksimo reunion  públiko di Konseho Insular:

1. Kolegio Ehekutivo por konfirmá ku tin un disputa entre Entidat Públiko Boneiru i e organisashon Asoteko enkuantu dunamentu den èrfpagt di terenonan públiko i ku e disputa aki ta den korte sivil pa tratamentu?
2. Si e kontesta riba pregunta 1 ta afirmativo, Kolegio Ehe­ku­ti­vo por duna raad e esensia di e disputa?
3. Ta bèrdat ku e dos partidonan ke a yega na un entendi­men­tu pafó di korte pa e disputa na mesa?
4. Ta bèrdat ku e esfuersonan aki a yega te na un formula­shon di un posibel areglo, kual areglo a karga aprobashon en prinsipio di en todo kaso diputado enkargá ku tereno­nan?
5. Ta bèrdat ku Kolegio Ehekutivo den su totalidat te ainda no a aprobá e areglo presentá i komo tal no tin un solushon pafó di Korte?
6. Kolegio por a informá Konseho Insular e esensia di e pro­po­si­shon i fasilitá Konseho Insular e proposishon konkreto i alabes informá Raad kiko ta e opheshonnan di Kolegio Ehe­kutivo pa no aprobá e proposishon riba mesa.
7. Kolegio por informá Raad si Kolegio Ehekutivo lo a hasi un kontraproposishon teniendo kuenta ku e nota pa e kuadro di maneho di tereno resientemente aprobá pa Raad i si ta asina Kolegio Ehekutivo por fasilitá Raad e proposishon di ban­da di Kolegio Ehekutivo.

 

 

 

Atentamente,

 

 

 

 

___________________________

 

Désirée E. Coffie

Miembro di Konseho Insular Boneiru