KOMUNIKADO DI PRENSA 038/2023.
28 yanüari 2023.

Sinku kas na kandela.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 28 di yanüari 2023 alrededor di 04.06’or di mardugá, Sentral di Polis a risibí
notifikashon ku tin algun kas situá den Cocowijk ta na kandela.
Na yegada di e unidat polisial, nan a konstatá ku e kandela tabata basta feros.
E kandela a ekspandé hopi lihe i a destruí un total di sinku bibienda.
Brantwer a yega rápido na e sitio i a logra paga e kandela.
Lamentablemente no por a evitá ku kuater di e sinku kasnan a kima kompletu.
Kousa di e kandela ta den investigashon.