𝗠𝗜𝗡𝗜𝗦𝗧𝗘𝗥 𝗠𝗔𝗗𝗨𝗥𝗢 𝗧𝗔 𝗙𝗘𝗟𝗜𝗖𝗜𝗧𝗔 𝗖𝗨𝗘𝗥𝗣𝗢 𝗗𝗜 𝗔𝗗𝗨𝗔𝗡𝗔 𝗥𝗜𝗕𝗔 𝗗𝗜𝗔 𝗜𝗡𝗧𝗘𝗥𝗡𝗔𝗖𝗜𝗢𝗡𝗔𝗟 𝗗𝗜 𝗔𝗗𝗨𝗔𝗡𝗔 𝟮𝟲 𝗗𝗜 𝗝𝗔𝗡𝗨𝗔𝗥𝗜 𝟮𝟬𝟮𝟯
Danki pa e trabou na bienestar di comunidad di Aruba
Dia 26 di januari 2023, ta Dia Internacional di Aduana y pa e ocasion aki Minister Maduro di Finansa tabata presente na e Santo Sacrificio di Misa pa gradici y pidi proteccion pa tur Aduanero cu ta traha na bienestar di Pais Aruba. E mainta aki a conta cu presencia di Minister President Pik Pisas, Minister di Finansa di Corsou Javier Silvania, directora di Aduana di Corsou y representantenan di Aduana di Boneiro, Hulanda y Merca. Despues di e Santo Sacrificio di Misa a sigui un momento di discurso di e sindicatonan, directornan y mandatarionan presente. Minister Maduro a hiba palabra pa felicita e Cuerpo di Aduana, y tambe pa comparti como un simpel hende algun palabra di sabiduria cu tur persona presente. Na final a toca turno pa e mandatario encarga cu Aduana, inspecciona e peloton di Aduana kendenan despues a marcha pa bay na Club San Martin na unda e Aduaneronan por a comparti un rato ameno cu otro. E Dia di Aduana a cera cu un dinner na unda e Aduaneronan di Aruba, Boneiro, Corsou, Hulanda y Merca por a celebra un rato hunto.
