Ministerio di Hustisia Komunikadónan den Hustisia di bishita na VKC

Willemstad – Djadumingu 29 di yanüari 2023 komunikadónan den e kadena hudisial tabata di bishita na VKC na Marina Kazèrna Suffisant. For di 9 or di mainta e programa a kuminsá ku appèl pa hisamentu di bandera. Despues a sigui ku introdukshon di komandante i tim di maneho, i tambe un presentashon tresé pa Martin den Dulk. Sr. Den Dulk a splika kua ta e tareanan di VKC i kua ta e departamentonan ku e ta konsistí di dje.

Despues di esaki por a mira kuater diferente demostrashon:

1. Demostrashon pelotòn 1 – kontrol ku detenshon;

2. Demostrashon pelotòn 2 – Anti Riot;

3. Demostrashon pelotòn 3 – EBT – Eenheid Bijzondere Taken;

4. Demostrashon di Tim di Reskate;

Nos ta gradisí Komandante i su personal pa e oportunidat akí.