Minister Pietersz- Janga ta bishitá Fundashon Alton Paas

Willemstad – Resientemente Minister di Salubridat, Medio Ambiente i Naturalesa drs. Dorothy Pietersz- Janga a bishitá Fundashon Alton Paas, na AP Center na Colon. Fundashon Alton Paas ta un organisashon non- profit ku a keda fundá 12 di sèptèmber 2012 ku e meta pa konsientisá komunidat i pa traha pa mihó kalidat di bida pa personanan ku tin un dwarslaesie i otro tiponan di parálisis.

Durante e bishita señor Alton Paas a informá Minister Pietersz- Janga di diferente aspekto di e organisashon i e retonan ku nan ta konfrontá. Durante un presentashon Minister por a mira tambe reakshonnan masha positivo di klientenan di e sentro. Finalmente Minister a risibí un rekorido den e sentro pa tuma nota di e diferente aparatonan ku klientenan ku dwarslaesie i otro tiponan di parálisis por uza pa hasi ehersisio i mehorá nan kalidat di bida. Riba potrèt por mira un di e lemanan di Alton Paas kual ta: “No ta importá kon slow bo bai, basta bo no stòp!”.