Promé Minister Gilmar Pisas a RISIBÍ Delegashon di Standard & Poor’s global

 

 

Willemstad – Promé Minister sr. Gilmar Pisas a risibí e delegashon di Standard & Poor’s Global (S&P Global) ku a konsistí di sra. Julia Smith i sra. Elisa Lopez Cortes  dia 20 di yanüari 2023.

 

E delegashon di S&P Global tabata ku bishita di trabou na Kòrsou di 18 di yanüari 2023 pa 20 di yanüari 2023. E bishita aki tabata den kuadro di evaluashon i aktualisashon anual dor di S&P Global, pa ku e “rating” pa Kòrsou pa loke ta trata merkado di kapital global.

 

Durante di nan bishita, e delegashon di S&P Global a hiba kombersashon ku diferente stakeholder lokal pa por a rekompilá informashon aktualisá di e diferente desaroyonan aki na Kòrsou.

 

Den e delaster evaluashon na febrüari 2022 S&P Global a mantené e “rating” pa Kòrsou di BBB- (pa termino largu).

E perspektivanan (“outlook”) sinembargo a konosé un mehoransa di “negative” pa “stable”.

 

S&P global lo publiká e “rating” aktualisá pa fin di febrúari 2023.