BioNews Kids Di Dos Edishon emití pa DCNA

 

Despues di un eksitoso promé edishon Dutch Caribbean Nature Alliance (DCNA) a emití e di dos edishon di BioNews Kids. BioNews Kids ta un revista online tokante naturalesa pa mucha di 9 te ku 11 aña na e seis islanan hulandes karibense. E ta desiñá pa stimulá lesamentu, lanta kuriosidat i informá nos muchanan tokante e naturalesa eksepshonal na e seis islanan hulandes karibense, inkluso e menasa ku e ta enfrentá. Esaki komo sosten di e programanan di edukashon di naturalesa di e Organisashonnan di Maneho di Áreanan Protehá na Aruba, Boneiru, Kòrsou, Saba, Sint Eustatius i Sint Maarten. A parti mas òf ménos 17.500 kopia imprentá na ingles, papiamentu, papiamento i hulandes na nos muchanan na e islanan hulandes karibense. Por haña un vershon online di e di dos edishon di BioNews Kids akinan.

 

Sostenementu di Edukashon di Naturalesa i Konsiensia Públiko

Mishon di Dutch Caribbean Nature Alliance (DCNA) ta dunamentu di sosten na e Organisashonnan di Maneho di Áreanan Protehá (e parkenan) na e seis islanan hulandes karibense. Un di e metanan di DCNA ta promoshon di edukashon di naturalesa i konsientisashon públiko. Pa e motibu akí na aña 2021 a krea e promé edishon di BioNews Kids – un sekshon di BioNews, ku ta pa adulto. Bionews ta un boletin informativo mensual digital grátis ku ta ofresé aktualisashon tokante e último informenan tokante naturalesa ku un enfoke riba investigashon i monitoreo, evento i aktividatnan general relashoná ku e miembronan di DCNA.

 

Revista Multilingual tokante Naturalesa pa Mucha

BioNews Kids ta un revista ku ta optenibel grátis na ingles, papiamentu, papiamento i hulandes pa hóbennan di 9 te ku 11 aña na Aruba, Boneiru, Kòrsou, Saba, St Eustatius i St Maarten. Nan ta pone e revista disponibel via e programanan di edukashon di naturalesa di e Organisashonnan di Maneho di Áreanan Protehá (e parkenan). Meta di BioNews Kids ta pa promové lesamentu na nos islanan ku un revista ku ta aplikabel riba e eksperensianan di e muchanan na e islanan akí ku e naturalesa ku nan por haña den nan propio kurá di kas.

 

Tema: Terestre

E tema prinsipal di e di dos edishon di BioNews Kids ta e ambiente terestre. Nos muchanan por lesa entre otro tokante e flamingo karibense i e ‘Roodsnavelkeerkringvogel’ i nan por topa ku Barry, e raton djanochi. Den e revista tin aktividat tambe manera plachi pa klùr, pùzel i un aktividat di obra di man. Banda di e aktividatnan akí nos lesadónan por kuminsá komprendé palabranan relashoná ku naturalesa i hasi uso di potrèt di identidat di bestia ku ta biba riba tera.

 

Tuma kontakto ku e funshonario di enseñansa di bo organisashon lokal di parke na bo respektivo isla pa un vershon di prent di BioNews Kids òf klek akinan pa e vershon online. Pa otro preguntanan bo por manda un email na projects.assistant@dcnanature.org.

 

Nationale Postcode Loterij generosamente ta spònser BioNews i BioNews Kids i DCNA ta produsí e revistanan akí.