TRABOUNAN RIBA PARTI DI DON MARTINA BOULEVARD I PARTI DI SCHOTTEGATWEG ZUID

Willemstad – Servisio pa Obra Públiko (OW) ta anunsiá ku awe 9 di febrüari 2023, e kontratista CWM lo hasi trabounan di reparashon riba parti Don Martina Boulevard (Nieuwe Haven) entre Curinde i Doaune. Tambe na salida di Don Martina Boulevard pa subi Schottegatweg Zuid. E trabounan ta tuma lugá den oranan di anochi pa minamlisá molèster pa tráfiko.

 

Despues ku a drecha e karetera aki den 2022, tabata tin algun parti ku no a keda bon asfaltá. Den e kuadro aki, Minister Cooper a atendé ku e kontratista pa por drecha e kaminda pa e kaminda ta konformé e normanan palabrá.

 

E trabounan lo tuma lugá durante 1 anochi. Don Martina Boulevard i parti di Schottegatweg Zuid lo ta sera di 7or di anochi pa 5or di marduga. OW ta pidi tur outomobilista pa kore ku koutela i sigui e indikashonnan pa rutanan alternativo.