NOS SELEKSHON NASHONAL MASKULINO U-17 TA NA GUATEMALA PA PARTISIPÁ NA E CONCACAF UNDER-17 CHAMPIONSHIP!

Ayera mainta nos selekshon a biaha pa Miami di transito pa sigui rumbo pa Guatamala pa nan partisipashon na e CONCACAF Under-17 Championship. Nos selekshon a yega bon i lo kontinuá ku e preparashonnan pa nos promé partido ku lo tuma lugá djasabra binidero den Stadion Doroteo Guamuch Flores na Guatemala City pa 6’or di atardi kontra Mexico.

 

Despues di nos 3 partidonan di e promé i segundo buèlta, lo tin e partidonan di kuart final i semi final miéntras e gran final lo tuma lugá dia 26 di febrüari 2023. Preparashonnan ta kontinuá pa nos selekshon logra sali viktorioso di nos promé 3 partidonan i sigui den kontienda pa e final di e kampionato aki.

 

FFK ta deseá nos selekshon nashonal kategoria U-17 tur klase di éksito durante nan promé kompromiso den e CONCACAF Under-17 Championship aya na Guatemala.