TARIFA DI GASOLIN, DIESEL, ELEKTRISIDAT I AWA TA SUBI

TARIFA DI GASOLIN, DIESEL, ELEKTRISIDAT I AWA TA SUBI

WILLEMSTAD – Entrante djamars 28 di febrüari 2023 e tarifa regulá di gasolin i diesel ta subi na
Kòrsou. Tambe e tarifa di elektrisidat i awa ta subi entrante djarason 1 di mart 2023. Esaki Bureau
Telecommunicatie en Post (BT&P) ta partisipá den su komunikado mensual riba e partikularidat
aki. BT&P ta supervisá e desaroyo di preis di produktonan petrolero i di utilidat.
Kálkulo tarifa produktonan kombustibel
E kálkulo di tarifa pa Mogas 95, Gasoil LSD, LPG 20 i LPG 100 konosé e komponentenan
1. Preis di kompra, 2. Impuesto di importashon LSD, 3. Garantia di suministro di kombustibel
(1a), 4. Garantia di suministro di kombustibel (1b), 5. Márgen pa Curoil, 6. Impuesto di konsumo
(Akseins), 7. Sùrplùs/Défisit (Recovery), 8. Supsidio krusá, 9. O.B. di 6% pa benta por mayor, 10.
Márgen pa agente, i 11. O.B. di 6% pa benta por detal. Pa sierto komponente e tarifa sero ta konta,
sea temporalmente òf nò. E tarifa pa benta por mayor ta inkluí e promé nuebe komponentenan
miéntras ku e tarifa pa benta por detal (na usuario final) ta inkluí tur komponente.
Ta determiná e preis di kompra, kaminda kalkulashon ta kuminsá, mensualmente pa e luna
siguiente a base di e reserva di kombustibel disponibel na final di luna pasá. Pues: e preisnan di
kompra ku ta stipulá pa mart 2023, en prinsipio ta basá riba e reserva di kombustibel disponibel pa
final di yanüari 2023.
Den kaso ku si e informashon tokante di reserva duná dor di Curoil ta inalkansabel, lo tin ku sali
for di e kotisashon internashonal resien. E preisnan di kompra akí ta wordu revisá dor di notashon
di preis internashonal. Dor di e lapso aki den e mekanismo pa determiná preis, por ta nesesario pa
deskontá eventual diferensia entre e preis di kompra regulá i e montantenan di kompra real, di
forma retroaktivo via e elemento ‘Sùrplùs/Défisit’.
E oumento di e tarifa usuario final pa Mogas 95 ta prinsipalmente resultado di un oumento
supstanshal di e preis di kompra i un bahada di e korekshon den e komponente Sùrplùs/Défisit.
E oumento di e tarifa usuario final pa Gasoil LSD ta prinsipalmente resultado di un oumento den
tantu preis di kompra komo di e korekshon den e komponente Sùrplùs/Défisit.
Kálkulo tarifa awa i koriente
E kálkulo di e tarifa pa awa i elektrisidat tin dos komponente: e tarifa básiko i e klousula di
kombustibel. E klousula di kombustibel pa elektrisidat ta konsistí di dos elemento: kompra di
koriente i gastunan di kombustibel.
E ‘kompra di koriente’ ta basá riba e preis pa e energia ku tersernan ta suministrá, manera energia
di bientu i di solo. ‘Gastunan di kombustibel’ ta enserá produkshon di energia dor di Aqualectra
mes.
Tambe e klousula di kombustibel pa awa ta konsistí di dos elementu, ku ta “kompra” basá riba
preis di awa ku ta wòrdu suministrá dor di un terser partido i e gastunan di elektrisidat pa
produkshon di awa dor di Aqualectra mes.
Sin embargo, kada luna e uso di e diferente medio pa produkshon – e asina yamá ‘meskla di
produkshon’ ta varia. P’esei BT&P ta determiná e balor di e klousula di kombustibel
mensualmente basá riba e pronóstiko di Aqualectra, di kiko e meskla di produkshon lo bira, den
e kaso aki pa e luna di mart 2023. Si un luna despues resultá ku e elemento akí tabata muchu
haltu òf muchu abou, ta korigí esaki. Den e kaso akí, ta trata di e luna di yanüari 2023.
BT&P ta determiná e tarifa básiko pa tantu awa komo elektrisidat un biaha pa aña. E tarifa akí
ta enserá tur otro gastu (fiho) pa e produkshon di awa i elektrisidat i tambe e gastunan pa e
distribushon i e entrega di esakinan, manera gastu di personal, di mantenshon, depresiashon,
etc.
E oumento di e tarifanan di elektrisidat ta resultado di un promedio haltu di kostonan pa
kombustibel pa e produkshon di elektrisidat pa motibu di un oumento konsiderabel den
preisnan di kombustibel den kombinashon ku e produkshon-miksto sperá (bou di kua un parti
mas grandi di e energia di bientu i un entonashon mas abou di instalashon di produkshon mas
barata) i un faktor di korekshon mas abou ofer di yanüari 2023. E oumento di e tarifanan di awa
ta resultado di kostonan di elektrisidat mas haltu pa e produkshon di awa i un faktor di
korekshon mas haltu ofer di yanüari 2023.
Aprobashon i fihamentu
BT&P ta asesorá Konseho di Minister (KdM) enkuanto e tarifanan nobo. Solamente despues ku
e KdM aprobá e propuesta, e Minister pa Desaroyo Ekonómiko, ku a la bes ta enkargá ku
asuntunan di energia, ta fiha e tarifanan. Eseinan ta e tarifanan máksimo ku por usa un luna
largu.
Ku e prosedura akí, ku ta konsiderá faktornan internashonal i lokal, e supervisor BT&P ta
vigilá e entrega di kombustibel, awa i elektrisidat na e poblashon lokal di forma independiente i
transparente, pa esaki ta kontínuo i rasonabel.
Por mira e ahustenan eksakto den e tarifanan riba http://www.btnp.org.