KOMUNIKADO DI PRENSA 081/2023.
28 febrüari 2023.

Polis a realisá kuater detenshon.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di atrako ku a tuma lugá dia
29 di yanüari 2023, den área di Kanga, polis a hasi detenshon.
Djamars 28 di febrüari 2023, alrededor di 05.50’or di mainta Tim di Aresto a hasi detenshon
di dos sospechoso na un kas den bario di Dein. Ta trata di :
 un dama sospechoso G.J.B., di 31 aña di edat nasé na Kòrsou i
 un homber sospochoso A.M.M., di 27 aña di edat nasé na Repúblika Dominikana
Despues di e detenshon Tim di Atrako a tene un entrada hudisial na e adrès ariba
menshoná. Durante di e entrada hudisial a haña i konfiská artíkulonan di importansia pa e
investigashon i hasi dos detenshon mas relashoná ku violashon di lei di droga.
Ta trata di un dama sospechoso:
 R.M.S.S., di 22 aña di edat nasé na Kòrsou i un hòben sospechoso:
 R.R.M., di 17 aña di edat nasé na Kòrsou.
A presentá tur e kuater sospechosonan dilanti un fiskal ouksiliar ku despues di interogashon
a ordená nan enkarselamentu pendiente di mas investigashon.