AKUERDO KU DOS UNIVERSIDAT

Minister di ESKD sr. Sithree van Heydoorn ta yega na akuerdo ku dos Universidat na Colombia

WILLEMSTAD – Ministerio di Enseñansa, Siensia, Kultura i Deporte (ESKD) a firma akuerdo ku dos Universidat na Bogota, Colombia. E Meta ta pa nos studiantenan studia mas serka di kas i asina regresá Kòrsou bèk i tambe pa evitá mas “brain drain”.

E enfoke prinsipal pa habri mas oportunidat pa studiantenan di Kòrsou por studia den region. Minister Sithree van Heydoorn a yega na akuerdo ku Universidat Externado i Universidat de Los Andes. E dos universidat nan aki ta situá na e siudat di Bogotá i ta entre e mihó universidatnan na Colombia i den region di Latino Amérika.

Tur e dos universidatnan aki ta disponé di programa pa atraé studiantenan internashonal. Universidat Externado i Universidat Los Andes ta konta ku akreditashon di kompanianan di akreditashon ku ta mundialmente rekonosé. E Universidat Los Andes ta entre e mihó 20 universidatnan di Latino Amérika.

Minister van Heydoorn i su delegashon ta sigui awor pa Costa Rica kaminda lo hiba kombersashon pa yega na akuerdo ku dos universidat na e pais aki.

—

Sithree van Heydoorn

Minister di Enseñansa, Siensia, Kultura & Deporte

** riba e potrètnan athunto por tuma nota di e momentu ku Minister S. van Heydoorn a firma akuerdo ku e dos Universidatnan den presensia di Sekretario-General interino sra. Susan Larmonie-van Heydoorn i Direktor di SSC sr. Sidney Justiana.