KOMBENIO ‘AKTUASHON DI POLIS NA SKOL’ T’E SOLUSHON

Entre ministerionan di Hustisia, Enseñansa i direktivanan di skol

Despues ku TPK Trabou pa Kòrsou a tuma nota di e suseso na Marnix Cas Cora kaminda polis a bai pa hasi kòntròl i e situashon a sali for di man. Tambe despues ku bringamentu i maltrato a kuminsa tuma lugá na algun skol. Trabou pa Kòrsou TPK a manda un reakshon fuerte proponiendo solushon. TPK a tuma nota ku detenshon a tuma lugá den e kasonan di bringamentu, pero tambe ku algum polis a wòrdu sanshoná den e kaso di Marnix.

TPK awor ke pone énfasis riba e parti pa evitá mas tantu posibel ku kosnan asina ki por sigui pasa. Pesei TPK a manda un karta pa e minister di Hustisia den kual TPK ta pidi su atenshon ku diferente preguntanan. Básikamente TPK ta proponé solushon na e minister di Hustisia pa formalisá un kombenio di aktuashon di polis na skol, un asina yamá “Convenant Politie Pptreden Op School”. Esaki sigur ta un solushon ku ta funshoná den práktika. Di e forma aki tur hende sa kiko por i kiko no por, pero tambe na kua regla nan mester tene nan mes na dje.  Naturalmente den e kombenio lo bini aspektonan di lei di kódigo penal, prosedura i tambe tambe e trayekto di guia.