THZ TA SERÁ DJARASON 8 DI MART PARTI MAINTA DI 07:30-12:00     

Willemstad – Departamentu di Asuntunan di Higiena Tékniko (THZ) di Servisio di Salubridat Públiko (UO G&Gz ántes GGD), ubiká na Piscaderaweg 49, ta partisipá ku su sekshon di Kontròl i Servisio di kùr pa personanan ku ta atendé ku alimento i su sekshon di Vektor enkargá e.o. ku suministrashon di Abate® i venenu pa djaka ta será djárason 8 di mart 2023 di 07:30 pa 12:00.
Esaki en konekshon ku un “training” ku lo tin pa trahadónan di THZ riba e fecha ariba menshoná. Djárason 8 di mart lo ta habrí parti atardi di 14:00 pa 15:30 manera kustumber. Ministerio di Salubridat, Medio Ambiente i Naturalesa ta ofresé su diskulpa pa kualkier inkumbiniensia ku esaki por trese kuné.