𝗠𝗜𝗡𝗜𝗦𝗧𝗘𝗥 𝗫𝗜𝗢𝗠𝗔𝗥𝗔 𝗠𝗔𝗗𝗨𝗥𝗢 𝗧𝗔 𝗙𝗘𝗟𝗜𝗖𝗜𝗧𝗔 𝗨𝗡 𝗚𝗥𝗨𝗣𝗢 𝗗𝗜 𝗔𝗗𝗨𝗔𝗡𝗘𝗥𝗢 𝗖𝗨 𝗧𝗔 𝗖𝗨𝗠𝗣𝗟𝗜 𝟯𝟬 𝗔𝗡̃𝗔 𝗗𝗘𝗡 𝗦𝗘𝗥𝗩𝗜𝗖𝗜𝗢 𝗗𝗜 𝗚𝗢𝗕𝗜𝗘𝗥𝗡𝗢

Recientemente Minister di Finansa, Sra. Xiomara Maduro a ricibi un grupo di Aduanero cu a cumpli 30 aña den servicio di Gobierno haciendo un trabou na bienestar di comunidad. Ta trata di e hubilarionan,
Arlinda v/d Biezen​, Ivette Semerel, Wilfrida Croes​​, Vivian Geerman, Omaira Franken​, Tania Sint Jago, Tina Croes​​, Raquelita Tromp, Maribel Nuboer​, Reyna de Cuba, Mildred Peña​​ y Jacky Oduber.
Den presencia di Director, Chefnan, Management Team, Minister Maduro a entrega cada hubilario, nan Decreto corespondiente hunto cu un recuerdo pa conmemora e momento special aki. Durante e entrega Director di Aduana, Sr. Croes tambe a hiba palabra pa conta un anecdota positivo di cada Aduanero pa asina demostra e aprecio na cada hubilario. Minister Maduro a comparti un rato masha ameno cu e grupo di hubilario di Aduana y a gradici cada hubilario pa nan esfuerso y dedicacion di tur dia na bienestar di Pais Aruba.