BISHITA DI TRABOU NA HULANDA RELASHONÁ KU ENSEÑANSA I NOS STUDIANTENAN
MINISTERIO KONSERNÍ ENSEÑANSA, SIENSIA, KULTURA & DEPORTE
BISHITA DI TRABOU NA HULANDA RELASHONÁ KU ENSEÑANSA I NOS STUDIANTENAN
PUBLIKÁ RIBA 23 YÜLI 2023
WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn a sali pa Hulanda huntu ku nos bekadonan di SSC akompaña pa Direktor di Stichting Studie Financiering (SSC) i Direktor di Sektor di Enseñansa & Siensia.Un total di 146 hóben a embarká pa reto nobo na Hulanda. Nan ta keda guiá pa SSC i nan lo haña preparashon i guiá relashoná ku entre otro e temanan di presupuesto, kultura, seksualidat i bibienda.
Minister van Heydoorn lo bishitá vários instituto edukashonal i tene reunionnan di importansia pa e plan di Mehorashon di Enseñansa. Suidatnan kaminda ta bishitá e studiantenan ta Utrecht, Rotterdam, Zwolle, Eindhoven, Den Haag, Zeist i Tilburg.
Minister huntu ku su delegashon lo tene reunionnan ku ta importante pa e Plan di Mehorashon i Digitalisahon di Enseñansa.Temanan ku lo elaborá ariba ta entre otro: koperashon den enseñansa, problema di bibienda pa nos studiantenan, digitalisashon i enseñansa.
Durante di e bishita aki Minister di ESKD ta sigui informá di tur e bishitanan i logronan ku e ta traha ariba pa mehorashon di enseñansa den koperashon ku Hulanda. Tur esaki di akuerdo ku e rapòrt di ‘Nulmeting ku a keda traha último.
—
KOMUNIKASHON
** riba e fotonan athunto por haña un bista di e studiantenan ku a sali pa Hulanda