KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

RE-APERTURA DI STADION ANTONIO TRENIDAD

MINISTERIO KONSERNÍ ENSEÑANSA, SIENSIA, KULTURA & DEPORTE

 

PUBLIKÁ RIBA 11 MART 2023

WILLEMSTAD/KRALENDIJK – Minister di Enseñansa, Siensia, Kultura i Deporte a presensiá re-apertura di e Stadion Antonio Trenidad na Rincon, Boneiru. E stadion a haña un bòrchi digital, yerba artifisial i tambe tur e asesorionan pa por kumpli ku eksigensianan internashonal. Tambe por a tuma nota ku nan a risibí e sertifikado ofishal di FIFA kaminda ta indiká ku nan ta un stadion ku ta kumpli ku tur e eksigensianan di FIFA.

Diputado di Deporte sr. James Kroon huntu ku famianan di sr. Antonio Trenidad kende ta un baluarte pa e bario di Rincon a hasi e re-apertura di e stadion den su bachi nobo, sigui pa un tremendo show di vürwèrk. Despues a sigui un wega amistoso entre e selekshon di Boneiru i team di Kòrsou Inter-Willemstad.

Minister di ESKD sr. Sithree van Heydoorn ta sumamente kontentu ku e bishita aki na Boneiru paso huntu komo islanan den Karibe nos mester sigui traha na desaroyo deportivo.

Bishitanan manera esaki ta sigui stimulá e hermandat entre e islanan i ta yuda mantené e laso di amistat ku semper nos a konosé entre e islanan ku ántes tabata forma Antia Hulandes.

—
KOMUNIKASHON
Ministerio di Enseñansa, Siensia, Kultura i Deporte

** riba e potrètnan athunto por tuma nota di e Re-apertura

639114718427035"
639114718427035"