Seri di televishon Waya Bo Man ta mustra kultura di hende surdu / Tv-serie Waya Bo Man brengt dovencultuur in beeld
Seri di televishon Waya Bo Man ta mustra kultura di hende surdu
Riba djadumingu 28 di sèptèmber e seri nobo di televishon Waya Bo Man ta ranka sali. Den dies episodio bo ta sera konosí ku e mundu kolorido di e kultura di hende surdu na Boneiru.
E presentadó Reksel Engelhart ta hiba e televidente den un biahe ku hopi storia i enkuentro spesial. E ta haña yudansa di e reporteronan di 11 aña Miek i Jelaya, ku tur kaminda na nos isla ta hasi habitantenan pregunta tokante bida ora bo ta surdu. E eksperto di hende surdu Maxima ta tradusí kada palabra den gestonan harmonioso i ekspresivo, i e intérprete Esther ta kompartí su konosementu i vishon ku e públiko.
E seri ta yen di sorpresa. Por ehèmpel diessinku mucha di Kolegio Kristu Bon Wardador ta kanta Himno di Boneiru hasiendo e gestonan nesesario. I tin un reto emoshonante di gesto, kaminda nuebe boneriano konosí huntu ku vários habitante surdu di nos isla ta kompetí pa un trofeo hopi kodisiá.
Por mira e promé episodio na NosTV Boneiru durante Dia Mundial di Hende Surdu, riba djadumingu 28 di sèptèmber pa 15:15 or. E ripitishon ta sigui riba djalunan 29 di sèptèmber pa 21:15 or. Na Energia TV Bonaire nan ta transmití e episodio riba djárason 1 di òktober pa 18:00 or i riba djaweps 2 di òktober pa 08:00 or di mainta.
Ku Waya Bo Man e produktornan ke mustra kon riku, kreativo i inspirativo e kultura di hende surdu ta. E ta bira un fiesta pa nos wowo, nos orea i nos kurason.
No keda sin wak huntu ku nos! Bo tambe ta Waya Bo Man?
Tv-serie Waya Bo Man brengt dovencultuur in beeld
Op zondag 28 september start de nieuwe tv-serie Waya Bo Man (Zwaaien met je handen). In tien afleveringen maak je kennis met de kleurrijke wereld van de dovencultuur op Bonaire.
Presentator Reksel Engelhart neemt de kijker mee in bijzondere verhalen en ontmoetingen. Hij krijgt hulp van de elfjarige reporters Miek en Jelaya, die overal op het eiland bewoners vragen stellen over leven met doofheid. Dovenexpert Maxima vertaalt ieder woord naar vloeiende gebaren en tolk Esther deelt haar kennis en inzichten met het publiek.
De serie zit vol verrassingen. Zo zingen en gebaren vijftien kinderen van Kolegio Kristu Bon Wardador de Himno di Boneiru. En er is een spannende gebarenchallenge, waarin negen bekende Bonairianen samen met dove eilandbewoners strijden om een felbegeerde trofee.
De eerste aflevering is te zien op NosTV Bonaire tijdens Werelddovendag, zondag 28 september om 15:15 uur. De herhaling volgt op maandag 29 september om 21:15 uur. Op Energia TV Bonaire wordt de aflevering uitgezonden op woensdag 1 oktober om 18:00 uur en donderdag 2 oktober om 8:00 uur in de ochtend.
Met Waya Bo Man willen de makers laten zien hoe rijk, creatief en inspirerend de dovencultuur is. Het wordt een feest voor oog, oor en hart.
Mis het niet en kijk mee! Zwaai jij ook mee met Waya Bo Man?