Petishon pa reunion di komishon sentral tokante karta di direktivanan di skol dd 17 febrüari 2023.
Na: Presidente di Parlamento di Kòrsou
Sra. Ch. America-Francisca
Wilhelminaplein 4
Presente
Willemstad, 13 mart 2023
Tópiko: Petishon pa reunion di komishon sentral tokante karta di direktivanan di skol dd 17 febrüari 2023.
Apresiabel Sra. America-Francisca,
Resientemente nos a tuma nota ku direktivanan di skol a manda un di dos asina yama “brandbrief” dia 17 di febrüari pa Parlamento unda nan siñalá algun punto importante i ku petishon na Ministerio di Enseñansa, Siensia, Kultura i Deporte.
Direktivanan di skol (supsidiá) ta un parti hopi importante den e kadena di nos enseñansa.
Mirando ku e tema (di estado) ku ta nos enseñansa ta asina importante pa Kòrsou, nos Parlamento no por ignorá e gritu alarmante aki. Pa e motibu aki frakshon di PAR ta pidi pa un reunion di komishon sentral, pa asina e direktivanan di skol por elaborá riba nan karta i duna Parlamento un splikashon di loke nan ta mira ta pasando den nos enseñansa.
Nos ta spera ku e direktivanan lo elaborá pa asina Parlamento por diskutí i debatí ampliamente riba e puntonan ku nan ta trese dilanti i pa asina ku un i tur por ta tende e lokual nan ku ta asina importante ku e direktivanan ta tresiendo dilanti una bes mas. P’esei hasiendo uso di artíkulo 33 di nos Reglamento di Òrdu, Frakshon di PAR ta pidi un reunion di komishon sentral riba e tópiko ariba menshoná.
Pa e reunion aki nos ta invitá e direktivanan di RKCS, VPCO, SOZDA, SCONS, EBG, IFE i FSHP pa ta presente na e reunion aki.
Nos ta supliká presidente pa yama e reunion aki ku karakter di urgensia.
Atentamente,
Frakshon di PAR
Steven Croes Ana Maria Pauletta Quincy Girigorie Zita Jesus-Leito, MBA