๐๐ช๐ฃ๐ข ๐ฆ ๐ด๐ฆ๐จ๐ถ๐ฏ๐ฅ๐ฐ ๐ฅ๐ช๐ข ๐ฅ๐ช ๐ด๐ถ ๐ฃ๐ช๐ด๐ฉ๐ช๐ต๐ข๐ฏ๐ข๐ฏ ๐ฆ๐ด๐ค๐ฐ๐ญ๐ข๐ณ ๐ ๐๐ก๐๐ฆ๐ง๐๐ฅ ๐ซ๐๐ข๐ ๐๐ฅ๐ ๐ ๐๐๐จ๐ฅ๐ข ๐ ๐๐๐ฆ๐๐๐ง๐ ๐ฆ๐๐ข๐ ๐ฃ๐๐ฆ๐ข ๐ฃ๐ ๐๐จ๐ง๐จ๐ฅ๐ข ๐ฌ ๐ ๐ข๐ก ๐ฃ๐๐๐๐ฆ๐๐ฅ ๐ฆ๐๐๐ข๐ข๐
๐ ๐ฎ๐ถ๐ค๐ฉ๐ข๐ฏ๐ข๐ฏ ๐ข ๐ค๐ฐ๐ฎ๐ฃ๐ฆ๐ณ๐ด๐ข, ๐ค๐ข๐ฏ๐ต๐ข ๐บ ๐ฉ๐ข๐ค๐ช ๐ฑ๐ณ๐ฆ๐จ๐ถ๐ฏ๐ต๐ข ๐ฏ๐ข ๐ฆ ๐ฎ๐ข๐ฏ๐ฅ๐ข๐ต๐ข๐ณ๐ช๐ฐ
Minister di Cultura Xiomara Maduro, a sigui cu su bishitanan escolar den cuadro di e celebracion di e Dia di Himno y Bandera. Riba diamars e mandatario a bishita Scol Paso pa Futuro y Mon Plaisir Basisschool.
Durante su bishita na Scol Paso pa Futuro, Minister Maduro a ricibi un caluroso โBon Biniโ di tur mucha cu a ricibiโe cu un sonrisa dunando inicio na e mainta aki. Minister Maduro a haya e oportunidad pa combersa cu e muchanan y tambe cu algun di e docentenan riba locual ta e celebracion di nos dia nacional y nan luga of districto mas gusta na Aruba.
Na Mon Plaisir School, Minister Maduro a wordo ricibi cu canto di e muchanan, deleitando e mandatario cu canticanan di nos Pais. Despues a sigui un momento na unda un grupo di mucha por a haci pregunta na Minister Maduro pa haya sa mas di e mandatario su trabou y hobby. Tabata un bunita encuentro na unda na final tur mucha a canta nos himno โAruba Dushi Teraโ hunto cu Minister di Cultura.
Mester menciona cu durante Minister Maduro su bishitanan pa cu e celebracion di nos Himno y Bandera, e mandatario ta pone atencion pa haya sa di nos muchanan kico mas nan ta gusta di Aruba. Por nota cu Baby Beach y nos Parke Nacional Arikok ta luganan faborito entre e muchanan. Ta hopi importante pa nos muchanan siรฑa di tur loke Aruba tin pa ofrece, pa asina nan por balora y cuida locual ta di nos. Aruba ta bunita y pesey grandi y chikito mester yuda pa semper nos Pais Aruba por keda nos dushi tera.
