Visa Presidente Internashonal (IVP) di JCI Mundial, Sue Solymosi ta bishitá JCI Dutch Caribbean na Kòrsou
Kòrsou, 20 di mart 2023 – VPI Sue Solymosi, Presidente di JCI Mundial, a bishitá JCI Dutch Caribbean na Kòrsou. E bishita a tuma lugá entre 8 te ku 12 di mart 2023 i ta forma parti di sra. Solymosi su biaha di trabou pa tur e organisashon nan JCI na mundu.
Durante su bishita, VPI Solymosi a partisipá na diferente aktividatnan organisá pa JCI Dutch Caribbean, manera e seshon informativo pa miembronan nobo( Next-Gen Leaders), Instalashon di miembronan nobo di JCI Clic, i tambe un enkuentro ku promé minister di Kòrsou Gilmar Pik Pisas, ku a firma e “Universal Declaration of Human Duties” komo un manera di duna su sosten na e meta di JCI.
VPI Sue Solymosi tabata kontentu di por a bishitá JCI Dutch Caribbean i tur e organisashon nan lokal di JCI pa asina sostené nan esfuerso pa desaroyá projektonan na benefisio di e komunidat di Korsou.
Presidente Nashonal di JCI Dutch Caribbean, Shakira Albertoe, a hasi bishita na diferente partner nan potenshal huntu ku sra. Solymosi pa asina splika e metanan di JCI i e benefisionan di e organisashon nan aki su sosten den projektonan binidero.
Pa mas informashon tokante JCI Dutch Caribbean, i tur e organisashon nan lokal di JCI ,por sigui nos riba Facebook, Instagram i LinkedIn na JCI Dutch Caribbean. Sigui nos paginá nan sosial, pa asina keda na altura di projektonan binidero ku ta inklui premionan na balor di $5000.
