Bishita for di Colombia di eks Minister di Bibienda

March 20, 2023 REDAKSHON

Willemstad- Fundashon Kas Popular konhuntamente ku Asosashon Caneye,
kual ta e asosashon di Fundashonnan ku ta pèrkurá pa bibienda sosial di e 6
paisnan ku tabata pertenesé na Antia Hulandes lo ser honra ku bishita for di
Colombia di eks Minister di Bibienda Luis Felipe Henao i eks direktor di
Departamento Nacional de Planiacion Simon Gaviria.
Meta di e bishita ta pa duna presentashon na Fundashon Kas Popular i Caneye,
di e fórmula ku a kondusí na éksito di konstrukshon di 1 mion bibienda sosial na
Colombia den 4 aña.
Gobièrnu Colombiano a krea i implementá un di e mihó programanan di
konstrukshon di bibienda sosial den historia di Colombia ku e meta pa
siudadano por yega na su propio bibienda. Gobièrnu a supsidiá e famia pa por
sera su hipotek i tambe a supsidiá e interes di hipotek pa asina di 2010 – 2014
a entrega 1 mion kas.
Fundashon Kas Popular i Caneye ta sumamente entusiasmá di por fungi komo
anfitrion di e bishita aki i ta premirá ku e presentashon por empoderá tantu FKP
komo demas fundashonnan ku ta pertenesé na Caneye ku e hèrmèntnan
nesesario pa apliká i alkansá e máksimo potensial den kuadro di konstrukshon
di bibienda sosial.