KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

PROMÉ MINISTER sr. GILMAR PISAS A reuní ku fundashon E Hende

Willemstad – Promé Minister sr. Gilmar Pisas a reuní ku Fundashon E Hende dia 21 di maart 2023.

 

Presente na e reunion tabata e miembro di e direktiva di Fundashon E Hende sra. Ardieth Merien-Martha, Sr. La Bast komo representante di Brievengat, sr. Camps komo representante di Seru Fortuna, sr. Schoop komo representante di Kas di Bario i sr. Remy Hato komo representante di Hòfi Monchi.

 

Durante e reunion a elaborá riba diferente tema di preokupashon ku e fundashonn ke haña atenshon pe di parti di Gobièrnu di Kòrsou.

Fundashon E Hende ta sali na vanguardia di e pueblo i nan ta lucha pa mira desaroyonan di e kasnan di pueblo den diferente bario.

 

A elaborá tambe entre otro riba e situashon di kompra i benta di kasnan di pueblo konforme stipulashon den e diferente leinan, mantenshon di kasnan di pueblo, hür di kasnan di pueblo i terenonan di famia ku ta pegá na Bureau Domeninbeheer.

 

A konkluí durante di e reunion ku lo lanta un “werkgroep”, ku lo konsistí di ekspertonan for di e diferente departamentunan konserni di Gobièrnu.

E “werkgroep” lo tin komo tarea pa bai sigui traha huntu ku Fundashon E Hende pa atendé tur e puntonan ku a keda trese dilanti durante di e reunion.

 

E reunion a kana den un bon esfera i tur esnan ku tabata presente a keda satisfecho pa ku e forma ku Promé Minister sr. Pisas ta duna atenshon, oido i mustra interes pa yuda pa solushoná kada un di puntonan ku a bini dilanti.

 

Leave a Reply

This site uses Akismet to reduce spam. Learn how your comment data is processed.