KOMUNIKADO DI PRENSA 137/2023.
27 mart 2023.

Un detenshon relashoná ku atrako i entrada hudisial.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di atrako ku a tuma lugá dia
6 di mart 2023 na Penstraat riba algun turista, polis a hasi un detenshon mas.
Djaluna 27 di mart 2023 alrededor di 16.05’or, Tim di Atrako a hasi detenshon di e hòmber
sospechoso A.A.M., di 18 aña di edat nasé na Kòrsou.
E detenshon ariba menshoná a tuma lugá den área di Parera.
Despues Tim di Atrako a tene un entrada hudisial na kas di e sospechoso.
Polis a haña i konfiská artíkulonan ku ta di importansia pa e investigashon.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.