DESTAHO PÚBLIKO PA ÜNIFÒQRM I MATERIAL PA PERSONAL DI SDKK –

Sentro di Detenshon i Korekshon Kòrsou
Resientemente Minister Hato a aprobá pa pone fondo disponibel pa hasi un destaho públiko pa kumpra üniform i material pa personal di Sentro di Detenshon i Korekshon Kòrsou (SDKK).
Ta asina ku periodikamente mester kumpra üniform, sapatu i material pa empleadonan komo ku esakinan ta deteroriá ku uzo. For di 2019 no a hasi un invershon den üniform i material pa empleadonan di SDKK. Minister Hato den su plan stratégiko pa Ministerio di Hustisia a sòru di pone atenshon riba e organisashonnan ku ta kai bou di su maneho i ta perkurá pa fortifiká esakinan.
Pa e destaho públiko ku pronto lo ser publiká lo tin un suma di 320.000fl disponibel for di e presupuesto di aña 2023 pa sòru pa e personal di SDKK por kontinuá ku e bon trabou ku nan a bin ta ehersé.