KOMUNIKADO DI PRENSA 145/2023.
29 mart 2023.

Dos detenshon relashoná ku malversashon i konfiskashon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 29 di mart 2023, den oranan di mainta Tim ku ta investigá Krímennan Finansiero,
riba òrdu di Fiskal di Ministerio Públiko a hasi dos detenshon relashoná ku un kaso di
malversashon ku a tuma lugá entre añanan 2021 te ku 2023.
Ta trata di e siguiente sospechosonan;
 un hòmber R.A.K., di 25 aña di edat nasé na Guyana i
 un dama M.S., di 41 aña edat nasé na Suriname.
Bou di guia di Hues Komisario a tene entrada hudisial na e siguiente adrèsnan;
 Weg Groot St. Joris i Cylonweg.
Durante di e entrada hudisial a haña i konfiská tres vehíkulo, dokumentunan, meubel i
atrefaktonan elektróniko i plaka kèsh ku ta di importansia pa e investigashon.
A presentá ámbos sospechoso dilanti di un fiskal ouksiliar ku despues di interogashon a
ordená nan enkarselamentu pendiente di mas investigashon.