Promé Minister Gilmar Pisas A REUNÍ KU REPRESENTANTENAN DI KUP I KIPKO  

Promé Minister Gilmar Pisas A REUNÍ KU REPRESENTANTENAN DI KUP I KIPKO

 

Willemstad – Promé Minister sr. Gilmar Pisas huntu ku Minister di Desaroyo Ekonómiko sr. Ruisandro Cijntje (online) a reuní ku representantenan di KUP (Kooperativanan Uní di Peska) i KIPKO (Kooperativa di Piskadonan Importadó di Piska di Kòrsou dia 29 di mart 2023.

 

Na e reunion tabata presente tambe ekspertonan di Duana, MEO i AZ.

 

Durante di e reunion tabatin oportunidat pa e representantenan di KUP i tambe KIPKO por a trese tur nan preokupashon, komentario i sugerensianan dilanti. Despues a laga kada un di e instansianan gubernamental duna splikashon riba e proseso pa ku habrimentu di frontera i tambe kua ta tur e kondishon i proseduranan ku a pone pa por habri frontera entre Venezuela i Kòrsou.

 

Gobièrnu di Kòrsou su meta ta pa nos komunidat por gosa di preisnan favorabel i alabes krea oportunidat pa nos mes hendenan por sigui hasi negoshi.

E kambio ku ta bai tin ta ku mester apliká lei manera debe ser i alabes organisá i regulá tur esakinan.

 

Promé Minister sr. Pisas a palabrá ku e representantenan di KUP i KIPKO ku lo bai analisá e puntonan ku a keda trese dilanti internamente pa despues bolbe sinta un biaha mas ku e dos gruponan aki.

 

E reunion a kana den un hopi bon esfera.