KRANSHI TA HABRI 11’OR DI MAINTA RIBA 3 DI APREL

WILLEMSTAD –  Djaluna, 3 di aprel 2023, Kranshi ta habri 11’or di mainta pa públiko.

Riba e fecha menshoná Departamento di Asuntu Públiko (Kranshi) ta lansa ofisialmente e Papel Protehá i stampia i ‘leges’ digitalisá. Ta kuminsá na mes momento ku e atministrashon di pago digital ku yama Key2Betalen. Esaki ta tuma lugá den oranan tempran di djaluna mainta. Despues di lansamentu ofisial di e produktonan elektróniko akí tur servisio di Kranshi lo kontinuá normalmente. Pues tur sita i servisio na kliente ta sigui normal despues di 11’or.