CURINDE TA SELEBRÁ 125 AÑA KOMBINÁ DI DEDIKASHON DI KUATER DI SU EMPLEADONAN NA BIENESTAR DI DESAROYO DI E KOMPANIA I EKONOMIA DI KÒRSOU
CURINDE TA SELEBRÁ 125 AÑA KOMBINÁ DI DEDIKASHON DI KUATER DI SU EMPLEADONAN NA BIENESTAR DI DESAROYO DI E KOMPANIA I EKONOMIA DI KÒRSOU
Willemstad 4 di Aprel 2023 – Resientemente Curaçao Industrial and International Trade Development Company N.V. (Curinde) a selebrá e echo ku kuater empleado di Curinde a kumpli na huntu no menos ku 125 aña trahando na e kompania. Sislin Cecilia (34 aña), Jennifer Henry (31 aña), Iraina Michel (30 aña) i Noralee Goedgedrag (30 aña) a selebra 125 aña di labor dediká na progreso i adelanto di nos Zonanan Ekonómiko i Parke Industrial Brievengat. Tur kuater empleado a duna un kontribushon balioso na e empresa i komo tal a bal selebrá e echo memorabel aki. Curinde mes dia 1 di aprel último a konmemorá ku 43 aña pasá e kompania di Gobièrnu a keda fundá dor di Carlos “Cayochi” Römer (d.f.m.). Curinde aktualmente ta operá e dos Zonanan Ekonómiko, plus su Parke Industrial na Brievengat. Curinde ke gradisi tur su klientenan pa e konfiansa ku nan a pone den e kompania i tambe pa kere den Kòrsou.
Debidamente e Zonanan Ekonómiko i Parke Industrial a duna nan aporte na desaroyo di Kòrsou. E tim dediká di Curinde ta traha kada dia di nobo pa perkurá pa e zonanan i parkenan por siguí kontribuí na mas aktividat di desaroyo ekonómiko. Asina Curinde, den koperashon ku Gobièrnu, ta trahando riba modernisashon di e Lei de Zona Ekonómiko. Esaki mester kontribuí pa atraé i akomodá otro tipo di aktividat den nos zonanan ekonómiko. Meskos ta trahando tambe, huntu ku Gobièrnu, riba adaptashon di impuesto riba ganashi. Un punto interesante den e plannan pa sigui desaroyá e parkenan ku Curinde ta manehá, ta desaroyo di e area industrial/komersial na Nieuwe Haven.
Di e forma aki Curinde ta sigui kontribuí pa asina por sigui tin un aporte signifikativo na desaroyo di Kòrsou riba e 43 añanan tras di lomba.
Riba potrètnan
- Potrèt ku e hubilarionan di Curinde di robes pa drechi: Iraina Michel, Jennifer Henry, Sislin Cecilia i Noralee Goedgedrag;
2.Potrèt ku e tim kompletu di Curinde
