KOMUNIKADO DI PRENSA 158/2023.
5 aprel 2023.

Detenshon relashoná ku maltrato.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 4 di aprel 2023 alrededor di 16.28’or di atardi, Sentral di Polis a dirigí un unidat
polisial na Kaya Pita, pa un hòmber sospechoso ku a maltrata su ruman.
Na yegada di e unidat polisial a topa ku un hòmber víktima ku a deklará ku despues di un
diskushon un ratu promé su ruman lo a dal’é moketá den su kara.
Na e sitio a detené e hòmber sospechoso Y.H.J.M., nasé na Hulanda di 23 aña di edat, pa e
kaso di maltrato ariba menshoná.
A presentá e sospechoso dilanti un fiskal ouksiliar ku despues di interogashon a ordená su
enkarselamentu pendiente di mas investigashon.