FUNDASHON PRO SOUAX ta presentá charla grátis riba ALKOHOLISMO (Parti 1)

FUNDASHON PRO SOUAX ta presentá charla grátis riba ALKOHOLISMO (Parti 1)

                             

Fundashon Pro Souax, Sentro di Bario Souax i Sentro Médiko Souax ta anunsiá na habitante di barionan di Souax, Gato i bisindario i tur otro interesado, ku djamars awor 11 di aprel lo tin e siguiente charla riba salú i kuido di salú. E luna aki, e tópiko ta: ALKOHOLISMO.                                                                                                                  Durante e charla Dr. Oliva lo duna amplio splikashon riba kiko ta e enfermedat Alkoholismo i e diferente tipo di problemanan di alkohol. Kua señalnan i simptomanan ta indikashon ku ta trata di un kaso di abuso di supstansia. Kiko ta efekto di Alkoholismo riba salú di e persona. Posibel kousanan ku por hiba na Alkoholismo. E diferente tratamentunan di e malesa. Kon abo komo famia, amigu òf konosínan bo por sostené esun ku ta sufri di e malesa aki den su proseso di rekuperashon.

Fundashon Pro Souax ke animá tur habitante di bario di Souax, Gato, Zegu pero tambe otro interesadonan pa asistí na otro charla interesante riba bo salú i kon kuida bo salú. Entrada ta gratis i un i tur ta bonbiní.

Charla riba tópiko di salú públiko

Tópiko   : ALKOHOLISMO

                                 Oradó   : Dr. Octavio Oliva; dòkter di kas pa bario di Souax.

Dia       : Djamars 11 di APREL 2023

Ora       : Shet’or pa mitar di nuebe di anochi  (19.00 – 20.30)                               

Lugá     : Sentro di bario Souax

Entrada : GRÁTIS