PREPARASHONNAN TA KONTINUÁ PA E CONCACAF UNDER 20 CHAMPIONSHIP KU LO TUMA LUGÁ DI 14 PA 22 DI APREL 2023 AKI NA KÒRSOU!

 

NOS REFUERSONAN TA NA KÒRSOU!

 

 

Nos a drenta e siman di e 2023 CONCACAF Women’s Under-20 Championship ku lo inisiá djabièrnè 14 di aprel 2023 aki na Kòrsou. Tiki tiki pero sigur e ora 0 ta yegando kaminda nos selekshon nashonal U-20 lo ta den akshon di 14 pa 22 di aprel representando Kòrsou den e kampionato aki. Nos selekshon ta konsistí di un grupo di 17 hungadó lokal ku tin vários siman den preparashon i tambe 4 hungadó ku a bin reforsá nos selekshon p’asina duna un bon presentashon durante e partidonan aki.

 

Ayera ‘nochi 7:45 nos 4 refuersonan a pisa suela di Kòrsou pa kontinuá ku e preparashonnan pa nos partido di djabièrnè. Ta trata aki di Ludmarie Flaneur ku ta militá den Xerxes DZB, Jeleaugh Rosa ku ta den Sparta Rotterdam, Shermilyene Leito di Sv Seastum i Nabiellene Nisia ku ta hungadó di VV Spirit. 4 damita ku sigur lo duna un man pa fortalesé nos selekshon durante e torneo aki. Awe nos selekshon a train pa promé biaha huntu ku nos refuersonan pa ta kla prepará pa nos kompromisonan den e 2023 CONCACAF Women’s Under-20 Championship.

 

Nos selekshon ta forma parti di pul B ku ta konsistí di e siguiente paisnan; Haiti, Bahamas,

St. Maarten, Panama i Kòrsou mas ku klaro.

 

E skema di pul B;

 

	Fecha	Orario	Tim di kas	Bishitante	Stadion
1	14-4-2023	3:00 PM	Haiti	Bahamas	Rignaal ‘Jean’ Francisca
2		6:00 PM	Panama	Kòrsou
3	16-4-2023	3:00 PM	Bahamas	Panama
4		6:00 PM	St. Maarten	Haiti
5	18-4-2023	3:00 PM	Panama	St. Maarten
6		6:00 PM	Bahamas	Kòrsou
7	20-4-2023	3:00 PM	St. Maarten	Bahamas
8		6:00 PM	Kòrsou	Haiti
9	22-4-2023	3:00 PM	Haiti	Panama
10		6:00 PM	Kòrsou	St. Maarten

 

Entrada pa e partidonan aki ta kosta fl. 5,- pa tur hende i ta disponibel for di 2’or di mèrdia na e lokètnan di Stadion Rignaal ‘Jean’ Francisca riba dia di wega.

 

Preparashonnan ta kontinuá den gran forma pa nos selekshon femenino kategoria U-20 duna tur ku tin durante nos partidonan di e 2023 CONCACAF Women’s Under-20 Championship ku ta inisiá djabièrnè aki den Stadion Rignaal ‘Jean’ Francisca.

 

11 aprel 2023

 

E 4 refuersonan pa nos selekshon nashonal femenino U-20