QMQ Organization a instalá su 7 partisipantenan pa e sertámen di Miss Teenage Globe Curaçao 2023.

 

Willemstad – djaweps 6 di aprel 2023, den presensia di un publiko grandi, durante di e dushi ambiente di punda vibes, QMQ Organization a presentá su 7 partisipantenan pa e sertámen di Miss Teenage Globe Curaçao 2023.

 

Ku presentashon di Valerie van Heydoorn, Miss Teenage Globe Curaçao 2022 debutando komo maestro di seremonia i musika di DJ Krokzz, kada partisipante a presentá nan mes na e publiko ku tabata presente i a trese nan “slogan” ku nan lo karga durante e sertámen. Tambe nan a skohé nan number ofisial di partisipashon i asina a wòrdu instalá ofisialmente.

 

E partisipantenan den orden di nan numerashon oficial pa e sertámen 2023 ta;

Partisipante number unu, Angelli Meyer

Partisipante number dos, Maidy de Wildt

Partisipante number tres, Rutvièna Rosalina

Partisipante number kuater, Amanda Verkerk

Partisipante number sinku, Chinouq Cathlin

Partisipante number seis, Luz-Thalia Ramdjas

Partisipante number shete, Thailis Matos Inecia

 

Di e forma aki QMQ Organization ta invitá pueblo di Kòrsou pa sigui nos partisipantenan via tur nos plataformanan sosial, pa mira tur e aktividatnan ku e partisipantenan lo tin durante e periodo. QMQ Organization ku e sertámen hubenil di momento, tin un biaha mas un temporada interesante, edukativo i inolvidabel hinka den otro pa e partisipantenan.

 

Tambe QMQ Organization a publiká potrètnan ofisial di nos partisipantenan i votashon  a habri ofisial via di facebook i instagram di organisashon. Pa vota ta fasil. Por skohe sea facebook òf instagram i sigui e stapnan. Stap 1 skohe bo plataforma faborito. Stap 2 like i/òf follow e página di QMQ Organization ku bo a skohe. Stap 3 like e potrèt di bo partisipante.

 

Pa e temporada aki lo tin dos evento ofisial kaminda e partisipantenan lo kompetí, kual ta; Miss Press, 22 aprel 2023 na PWFC di 7or pa 9or anochi i e grand final di e sertámen, 1 juli 2023 na PWFC di 8or pa 11or di anochi, ku un tremendo “After Party” di 11or pa 1or ku e famoso artista Bjay i e DJ di huubentud, DJ Krokzz. Karchi pa tur dos evento ya ta disponibel serka tur nos dos partisipantenan. Mayornan por ta trankil i por laga tur hoben bin presencia e sertámen i e fiesta aki, paso lo tin seguridat sufisiente i e ta un fiesta dediká na hubentud.