Un kaso di tiramentu ku herido.
KOMUNIKADO DI PRENSA 186/2023.
17 aprel 2023.
Un kaso di tiramentu ku herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 16 di aprel 2023 alrededor di 18.50’or di atardi, Sentral di Polis a risibí un
informashon di un kaso di tiramentu ku a tuma lugá na Fortuna Ariba.
Na yegada di e unidat polisial nan a bin enkontrá ku e hòmber víktima den un outo sinta ku
herida di bala prosedente di arma di kandela.
Ku ambulans di FKA a tranportá e víktima pa sala di emergensia di CMC pa kuido médiko
mas avansá.
For di un investigashon preliminar ku polis a hasi na e sitio a bin sali na kla ku un ratu promé
dos hòmber sospechoso a yega na e sitio i a los algun tiru dirigí riba e víktima.
Na e sitio polis a haña i konfiská algu kashi di bala.
Personal di reshèrshi ta kontinuá ku investigashon den kaso ariba menshoná.