PROJECTTEAM TOEZICHT & HANDHAVING (PTH) DI VVRP A RISIBÍ TRAINING DI KOMUNIKASHON I MANEHO DI KULTURA

Willemstad – Resientemente, e ‘Projectteam Toezicht & Handhaving’ (PTH) di Ministerio di Tráfiko, Transporte i Planifikashon Urbano (VVRP) a risibí diferente training básiko di komunikashon i maneho di kultura. E trainingnan aki ta parti di un strategia di komunikashon ku VVRP ta ehekutándo rondó di e tim, mirando ku esaki ta relativamente nobo. Minister Cooper tabata presente na momentu ku partisipantenan a risibí nan sertifikado.

Meta di e trainingnan aki tabata pa fortifiká komunikashon interno, i alsa komprondementu di kultura i organisashon. Durante di e trainingnan a trata tópikonan manera: kiko ta komunikashon, medionan di komunikashon, bareranan ku por stroba komunikashon, i tambe kiko ta kultura, kon ta atendé ku diferente kultura den un organisashon, i hopi mas. Tur esaki durante dianan 13, 14, 28 i 29 di mart.

Miembronan di PTH ku a partisipá tabata Sr. Humphrey Davelaar, Sr. Egidio Kook, Sr. Shyrone Mingeli, Sr. Roderick Corsen, Sr. Owen de Windt, Sr. Rudsel van Blarcum, i Sr. Haynie Barlowe. Dos kolega, esta Sra. Nuraica Merien i Sra. Vigdalys Francisco di VVRP tambe a djòin e trainingnan mirando ku nan ta sostené e tim ku e proseso di ‘intake’. Kada partisipante a risibí un sertifikado di partisipashon na final di e trainingnan. E training a keda duná pa Sra. Da Costa Gomez-Anita, accountmanager di komunikashon di VVRP.