Minister Ruthmilda Larmonie-Cecilia Awe nos ta selebrá 75 aña di Partido Nashonal di Pueblo – PNP
Minister Ruthmilda Larmonie-Cecilia
Awe nos ta selebrá 75 aña di Partido Nashonal di Pueblo – PNP, esaki pa nos komo partido ta un logro hopi grandi. Komo un organisashon polítiko traspasá tempu, retonan i yega 75 aña sigur ta un logro. Partido Nashonal di Pueblo a krea hopi polítiko, i alabes a fungi komo un skol di formashon en general.
Nos mester rekonosé ku si analisá desaroyo di Pais Kòrsou, Partido Nashonal su gran aporte ta inevitabel.
Komo lider, e forma di mira bida, e vishon,e prinsipio demókrata kristian i tur loke for di inisio Doktor Moises Frumencio Da Costa Gomez i Partido Nashonal di Pueblo a para pe. Ta kumpli ku mi tambe su vishon i forma di mira bida.
Na tur nashonalista ku un kurason bèrdè i pueblo di Kòrsou, masha pabien ku 75 aña di nos Partido Nashonal di Pueblo.
