Akademia Popular di Kousa Proméku eksitoso apertura di Siklo “Historia i Kultura di Kòrsou”

Ku e sélebre historiadó Jeanne Henriquez i un sala yen e siklo a ranka sali ku dos ora i mei di lès riba historia i kultura di Kòrsou. Den e promé lès a trata tera mama Afrika, e kontinente ku ta kuna di humanidat. E kontinente kuna di promé sivilisashonnan haltu ku mundu a konosé. 70 interesado entre nan hóben i adulto mayó a sigui e lès ku hopi atenshon. Un otro grupo a sigui e lèsnan online.

E kurso ta konistí di 10 lès i ta tèrminá dia 23 di yüni 2023. Na final partisipantenan lo risibí un sertifikado di partisipashon ku éksito. Den e lèsnan ku ta sigui lo trata kiko ta kolonialismo i kolonialismo na Kòrsou, sklabitut, komèrsio transatlántiko, konsekuensia di sklabitut riba e hende di awe, presensia afrikano den kultura di Kòrsou, opreshon i resistensia di pueblo i finalmente kiko a pasa despues di abolishon di sklabitut na 1863?

Akademia Popular Errol Scoop ta sigui ku su meta pa duna formashon emansipatorio pa yega na un yu-di-Kòrsou nobo. Hóben informá futuru garantisá.