Promé Minister sr. Gilmar Pisas a REUNÍ KU KÒNSÙL GENERAL DI REPÚBLIcA DOMINIcANA

 

 

Willemstad – Promé Minister sr. Gilmar Pisas a reuni resientemente ku e Kònsùl General di República Dominicana sra. Maria Luisa Ubiera i su delegashon.

Di parti Gobièrnu di Kòrsou tabata presente funshonarionan di e Ministerionan di Hustisia, Maneho di Gobernashon, Planifikashon i Servisio Públiko i esun di Asuntunan General.

 

E meta di e reunion tabata pa tuma nota di e diferente preokupashon, kaso i petishonnan ku e Konsulado tabatin i pa wak kon den futuro por bai atendé i kumpli ku esakinan den futuro.

Tabatin diferente sugerensia i petishonnan ku a bini dilanti di parti di e Konsulado i tambe e ministerionan di Gobièrnu.

 

A palabrá ku lo bai duna mas atenshon na e diferente kasonan ku a bini dilanti i tambe ku lo bai tin mas komunikashon ku e Konsulado pa por atendé tur e asuntunan aki di un manera mas efektivo den futuro.

Un proposishon ku tambe a bini dilanti tabata pa traha riba trradukshon di e diferente prosesonan den kuater idioma: Ingles, Spañó, Hulandes i Papiamentu.

 

E reunion a kana den un bon esfera.