Promé Minister sr. Gilmar Pisas a REUNÍ KU E DIREKTIVA DI SURINAM AIRWAYS

Willemstad – Promé Minister sr. Gilmar Pisas a reuni resientemente, huntu ku Minister di Desaroyo Ekonómiko sr. Ruisandro Cijntje i Minister di Tráfiko, Transporte i Planifikashon Urbano sr. Charles Cooper, i nan respektivo konseheronan, ku e direktiva di Surinam Airways (SLM).

 

Di parti di SLM tabata presente sr. Seven Gonesh (wnd. CEO/VP Operations/Account Manager), sra. Angela Landbrug (Corporate Planner/Commerciële Zaken) i sr. Ganesh Laigsingh (President Commissaris).

E delegashon aki a keda komapañá pa e Kònsùl General di Repúblika di Sürnam sra. Krista Zuiverloon.

 

SLM ke traha huntu ku Kòrsou den futuro. Un di e formanan di traha huntu ta enserá pa hasi uso di nos aeropuerto Hato komo “hub” pa e diferente rutanan ku e kompania aki kier bai hiba den futuro.

A hasi menshon den e kaso aki di diferente ruta ku lo sali for di Korsou pa otro destinashonnan, manera e.o. Kòrsou-Miami, Kòrsou-Repúblika di Santo Domingo, i Kòrsou-Port Au Prince.

 

SLM ta mira Kòrsou komo un partner stratégiko i potensial ku por krea  posibilidatnan  positivo pa ku kresementu di e kompania aki.

 

Di parti di SLM lo bai hasi algun estudio mas pa despues por bini bèk na mesa ku Gobièrnu di Kòrsou.

 

E reunion a kana den un hopi bon esfera.