DEPARTAMENTU TÉKNIKO KU KURSO DI LISENSIA D I E PROMÉ MÓDULO DI LISENSIA C PA ENTRENADÓNAN DI FUTBÒL FEMENINO I HUBENIL!
Departamentu tékniko di FFK ta invitá tur ku ke bira entrenadó femenino òf un entrenadó hubenil pa asistí na un kurso pa optené Lisensia D i e promé módulo di Lisensia C pa entrenadónan di futbòl femenino òf futbòl hubenil.
KNVB den kolaborashon ku FFK e aña aki tambe lo organisá un kurso pa entrenadónan ku ke optené nan Lisensia D i e promé módulo di Lisensia C. E kurso aki lo ta na enkargo di
- Etienne Silliee i e lo tuma lugá den luna di aprel i yüni 2023 den Sala Richard Th. Curiel na FFK i tambe den Stadion Rignaal ‘Jean’ Francisca.
Fechanan di e kurso ta lo siguiente:
- 28, 29 i 30 aprel
- 1, 2 i 3 yüni
- 8, 9 i 10 yüni
- 15, 16 i 17 yüni
Den siman e kurso lo tuma lugá di 6:30pm pa 9:30pm i riba e djasabranan e lo ta di 10’or di mainta pa 12’or di mèrdia i despues di un pousa lo kontinuá di 2’or di merdia pa 6’or di atardi.
Na fin di yüni lo tin e terser edishon di e Dutch Caribbean Women Coaching Course den kolaborashon ku e UEFA Assist ku lo tuma lugá e aña aki na Kòrsou. E fechanan di e kurso aki lo ta di 23 pa 30 yüni 2023 i e lo tuma lugá den Sala Richard Th. Curiel na FFK i tambe den Stadion Rignaal ‘Jean’ Francisca.
Fechanan di e Dutch Caribbean Women Coaching Course ta lo siguiente:
- 23 yüni parti anochi lo tin e apertura
- 24 i 25 yüni e kurso lo ta parti mainta i mèrdia
- 26-30 yüni 5’or di atardi pa mitar di 10’or di anochi
- 30 yüni lo tin klousura ku repartishon di sertifikado
Pa optené e Lisensia D i e promé módulo di Lisensia C mester asistí na tur e fechanan ariba menshoná. Pero lo por tin guia individual si akaso un kursista pèrdè algun fecha di e kurso.
Pa inskripshon òf pa mas informashon por tuma kontakto sr. Dean Gorré via mail; dean.gorre@ffk.cw, kuponan pa e kurso aki ta limitá.
Si bo tambe ke duna un man i yuda enfrandesé futbòl femenino òf hubenil, esaki ta bo oportunidat pa bira un entrenadó diplomá.
Inskribí awe mes, Departamentu Tékniko i FFK ta warda bo!
24 aprel 2023
