Otro kombate profeshonal ku por bira tremendo djasabra awor den Sambil Arena:

Otro kombate profeshonal ku por bira tremendo djasabra awor den Sambil Arena:

Pedro Sanchez (Ven) vs Felix Gutierrez (RD)….

Ta 6’or en punto !!

Foto: Pedro Sanchez di Venezuela i Kòrsou.

Foto: Felix Gutierrez di RD.

WILLEMSTAD- Tur kos ta kanando bon pa djasabra awor den Sambil Arena nos haña e grandioso velada boksistiko presentá pa Supreme Boxing den koperashon ku Curabox.  Lo ta un velada boksistiko profeshonal/amatùr. Den e peleanan profeshonal: Keiber Gonzales ta bringa José Aviles, tambe lo bringa Pedro Sanchez di Venezuela vs Felix Gutierrez di Repúblika Dominikana.

… Pedro Sanchez vs Felix Gutierrez:…    

E kombate aki lo ta den e kategoria di 147 liber. Lo ta un kombate di 4 asalto, kada asalto di 3 minüt ku 1 minüt di sosiegu. Pedro Sanchez ku ta di Venezuela ta bibá na Kòrsou kaminda  e ta train tur dia serka Corgelino Djaoen na Supreme Boxing Center. Sanchez ta un bòksdó di un trayektoria amatùr impreshonante ku mas di 50 pelea. Tambe e la gana vários kampeon nashonal na su Pais. Djasabra den Sambil Arena e lo hasi su debut komo profeshonal. E rival di Pedro Sanchez ta nada mas i nada ménos ku e dominikano Felix Gutierrez ku tin 5 kombate kaba den profeshonal. E la primintí di duna tremendo ekshibishon aki na Kòrsou. E la bisa k,u e sa ku tin hopi paisano di dje. E ta invitá tur na pelea, paso e triunfo lo ta pa Dominikana.

…Entrada:…

Entrada pa e grandioso velada boksistiko aki ta:  35 Florin General, 75 florin pa VIP na Ringside, 50 florin VIP i mucha bou di 12 aña ta paga únikamente 10 heldu. Si bo ta stima bòkseo bo mester tei. Kòrda ku ta start 6or di atardi i finalisá 10or di anochi.

 

Coregelino Djaoen, entrenadó di Supreme Boxing Centre:

Dwinley Mathilda Ta Un Bòksdó Hopi Dediká….

Foto: Dwinley Mathilda.

Foto: Coregelino Djaoen, entrenadó di Dwinley.

WILLEMSTAD- Dwinley Mathilda tin 3 aña ta train bòkseo. E tin 19 aña di edat i a start ku training di bòkseo for di dia ku Supreme Boxing Center a habri su portanan.  Dwinley Mathilda ta bringa den e kategoria di 80 kilo i ta un dje prospektonan prinsipal pa nos bòkseo. Coregelino ta bisa ku Dwinley a kuminsá train i stima bòkseo. “Semper e la tuma pelea sin importá ku su rival por tin mas eksperensia kuné”, asina Djaoen a deklará. E rival di Dwinley Mathilda pa djasabra awor lo ta un bòksdó di e selekshon di bòkseo amatùr i Panamá ku tin rèkert di 7 kombate ganá sin derota. E entrenadó di Dwinley Coregelino ta konta ku Dwinley a bringa na Ulanda, na Aruba i na Paraguay den “Juegos de Odesur”. “Aworakí e ta preparando pa bringa den ‘Juegos Centro Americano y del Caribe’ na El Salvador”, e hóben entrenadó ta splika.

                           …Ban Apoyá Dwinley Mathilda…

Un yamada na tur amante di deporte i prinsipalmente esnan  di bòkseo pa ta presente djasabra awor den Sambil  Arena pa apoyá e prospekto YDK Dwinley Mathilda. Dwinley ta un hóben disipliná ku tremendo aktitut i meresé apoyo di tur ku ta stima deporte, spesialmente e deporte di bòkseo.

                                                  …Entrada…

Entrada pa e kartelera di djasabra awor den Sambil Arena ta 35 florin general, 75 florin pa VIP Spesial, 50 heldu pa VIP normal i mucha bou di 12 aña ta paga 10 heldu. Ta spera tur hende djasabra awor na Sambil Arena.