GEORGE MADURO (1916 – 1945) THE OPERA
George John Lionel Maduro (Willemstad, Korsou, 15 di Jüli 15, 1916 – Dachau, Febrüari 8, 1945) tabata un Ulandes Kurasoleño, studiante di lei, kende tabata un ‘reserve Cavalry Officer’ ku a distigui I destaká mediante su aktonan heroiko, kurashi í liderasgo durante invashon na Den Haag di Alemanan riba 10 di Mei 1940.
Komo komandante di un kantidat limitá di esnan reklutá den e tempu ei 2nd Lieutenant Maduro a dirigí e rékaptura di e lokalidat Villa Leeuwenberg den barionan di Den Haag, tumando 11 detenidonan den kaptura I realisando retraso di avansenan di e enemigu mensando.
El’a join e movemento di resistensha despues ku Hulandesnan a kapitulá I a ser arestá na Fransia den Sèptèmber di aña 1943 durante un intento pa join forsanan aliado na Inglatera. Promé nan a tumé presu na Saarbrücken pa despues e wordu trasladá pa e kampo di konsentrashon na Dachau 14 luna despues, unda el’a bin fayesé na edat di 28 aña a konsekwensha di e malesa tyfus, faltando solamente un par di siman pa e kampo wordu liberá.
Maduro a wordu honrá postumo ku un Kondekorashon den orden Militar di Willem (Militaire Willemsorde), kual ta e dekorashon di mas haltu relashoná ku aktonan di kurashi pa militarnan. Tambe el’a risibi e ‘Resistance Memorial Cross’.
Madurodam, e suidat miniatura na Den Haag a ser fundá den su honor I ta karga sú nòmber.
Un bunita film-opera ‘George Maduro’ a bira realidat. Esaki, e berdadero opera, a tuma lugá na Hulanda pero a wordu grabá na un manera sumamente profeshonal kual a resultá den un ‘film-opera’. Esaki lo no por tabata posible sin apoyo I sostén konkreto di ‘Madurodam’ kual ta e mini-suidat na Den Haag, entretantu konosí mundialmente. Madurodam ta karga number di e heroe George Maduro. Publiko kende lo bai mira e film-opera aki lo ta mésora for di komienso te na final klabá sin move for di e skrin pa mira I skucha e bunita produkshon’akí, p’asina biba e ‘storyline’ di e heroe su bida I supsekwentemente e kreashon di ‘Madurodam’.
Djamars dia 10 di Mei 2023, e film-opera ‘George Maduro’ lo wordu estrená den forma di un première, na Keizershof Luna Blou na Otrobanda, pa 19:30/7:30 di anochi. Personanan klave tras di e produkshon’akí lo tei presente na Korsou i lo ta pa nan un honor di yama nos hendenan lokal un Bon Biní na e première.
Ticket pa e anochi ta kosta 100 shen florin i por wordu kumprá na e ticket box-office di Keizershof Luna Blou. Ounke ku nos ta tene kuenta ku kompra di ticket na ultimo ora, nos ta rekomendá pa kumpra adelantá.
Pa lokual ta trata benifisario di e benta di ticket aki nos ta informá ku e museo pa mucha ‘Kinder Museum Curaçao’ na Rooi Catootje a wordu skohé. Pues kompra di un ticket di entrada pa e bunita film-première’aki lo sirbi pa abo ku a kumpra e ticket tin un anochi agradabel I alabes Kinder Museum risibi un bunita donashon komo sostén.
Lo sigui detayes tokante benta di ticket. Pa mas informashon via email: hvdkwast@madurosons.com