16 BIBIENDA MAS PRONTO DEN ÁREA DI CAS CORA
MINISTERIO KONSERNÍ TRÁFIKO, TRANSPORTE I PLANIFIKASHON URBANO
16 BIBIENDA MAS PRONTO DEN ÁREA DI CAS CORA
PUBLIKÁ RIBA 07 MEI 2023
Willemstad – Minister Charles Cooper huntu ku Servisio pa Planifikashon Urbano (ROP) a entregá un pèrmit di konstrukshon na Landhuis Cas Cora, pa konstrukshon di 16 bibienda.
Landhuis Cas Cora ta situá na Reigerweg den e bario di Cas Cora. Lo bai konstruí 16 bibienda, dividí den kuater edifisio. E promé fase ta un kombinashon di apartamento ku dos kamber. E desaroyo ta invershon total di 7 mion florin.
Durante di ehekushon di e proyekto di konstrukshon aki, lo tene debido kuenta ku desague di awa na Cas Cora, i lo sòru pa sufisiente lugá di parkeo pa e promé fase di e apartamentonan.
E desaroyo aki ta kontribuí komo impulso ekonómiko grandi pa Kòrsou. Minister Charles Cooper ta hopi kontentu ku e desaroyonan aki.
639114718427035"
639114718427035"