MINISTER COOPER TA KONTRIBUÍ PA KONSTRUKSHON DI 11 BIBIENDA DEN ÁREA DI CORAL ESTATE
MINISTERIO KONSERNÍ TRÁFIKO, TRANSPORTE I PLANIFIKASHON URBANO
MINISTER COOPER TA KONTRIBUÍ PA KONSTRUKSHON DI 11 BIBIENDA DEN ÁREA DI CORAL ESTATE
PUBLIKÁ RIBA 07 MEI 2023
Willemstad – Minister Charles Cooper huntu ku Servisio pa Planifikashon Urbano (ROP) a entrega un pèrmit di konstrukshon na Cape Marie Luxury Apartments pa konstrukshon total di 11 bibienda den Coral Estate.
Cape Marie Luxury Apartments – Building C ta situá na Rif Sint Marie kaminda lo bai konstruí 11 apartamento di luho. E desaroyo ta un invershon total di 14 mion florin.
Durante di ehekushon di e proyekto di konstrukshon aki, lo tene debido kuenta ku eksigenshanan tékniko di seguridat di kandela, i lo sòru pa sufisiente lugá di parkeo pa e apartamentonan.
E desaroyo aki ta kontribuí komo impulso ekonómiko grandi pa Kòrsou kreando kupo di trabou na momento di e konstrukshon.
Minister Charles Cooper ta hopi kontentu ku e desaroyonan aki.
